Американските и британските разузнавачки служби стравуваат од нови терористички напади во Европа, објави во денешниот број германскиот весник „Билд ам Зонтаг“.
Весникот тврди дека американското разузнавање пресретнало телефонски резговор меѓу претставници на џихадиситчката група Исламска држава, кои велат дека тоа што оваа недела се случи во Франција е само „почеток на бранот на терор во Европа“.
Тие во разговорот велат и дека нивни припадници можат да се инфилтрираат во европските земји претставувајќи се како бегалци од Сирија.
„Билд ам Зонтаг“ наведува дека британското разузнавање ги предупредило своите европски партнери дека постои опасност од нов терористички напад во воздушниот простор над Европа.
Неделникот додава дека европските тајни служби сепак не располагаат со конкретни докази за подготовка нов терористички напад во Европа, нагалсувајќи дека ваквата закана засега е апстрактна.
Според податоците на германските власти, во Германија има околу 1.000 приврзаници на исламскиот тероризам, од кои околу 230 во перспектива би можеле да извршат напади на германска територија, наведува „Билд ам Зонтаг“.