Расте загриженоста дека соседна Белорусија, сојузник на Русија, би можела да се искористи за напад врз Украина од север, бидејќи се забележани зголемени воени активности и транспорт на руски војници, објавуваат регионалните медиуми.
Неофицијалните канали кои ги следат воените активности во Белорусија доцна синоќа објавија дека околу 1.400 до 1.600 руски војници пристигнале од Русија во североисточниот белоруски град Витебск во последните два дена.
Агенцијата Ројтерс не можеше да ја потврди оваа информација од независни извори.