Бројот на загинати во свлечиштата и поплавите предизвикани од обилните дождови во бразилската држава Сао Паоло се зголеми на 24, а пожарникарите ги продолжуваат спасувачките операции.
Најнаселената бразилска држава беше погодена од силен дожд за време на викендот, а стотици илјади луѓе мораа да ги напуштат своите домови. Поплавите зафатија вкупно 27 градови.
Гувернерот на Сао Паоло Жоао Дорија во неделата со хеликоптер ги обиколи погодените области и најави финансиска помош во износ од 2,8 милиони долари.
Југоисточен Бразил од почетокот на годината го погодија обилни дождови повеќе од вообичаено, а во јануари во поплавите во државата Минас Жераис загинаа 19 лица.
Извор: МИА