Ракета „Сојуз“ со американски и двајца руски космонаути полета кон Меѓународната вселенска станица

Од:

Руска ракета од типот „Сојуз“ денеска е лансирана од космодромот Бајконур во Казахстан кон Меѓународната вселенска станица (МВС), со екипаж од еден американски и двајца руски космонаути.

dobivaj vesti na viber

„Стабилноста на леталото е добра, екипажот се чувствува добро“, изјави коментаторот на „НАСА“ по полетувањето што директно го пренесуваа порталите на американската и на руската вселенска агенција.

Руската ракета полета во предвидениот термин точно во 13:54 часот по Гринич од казахстанските степи.

Заедничката мисија на Американецот Френк Рубио од „НАСА“ и на Русите Сергеј Прокопиев и Дмитриј Петелиан од „Роскосмос“ претставува редок пример за соработка меѓу Москва и Вашингтон во време на мошне влошени меѓусебни односи.

Рубио е првиот американски астронаут што одлета кон МВС со руска ракета од почетокот на воената интервенција на Москва во Украина на 24 февруари. Ова е прв лет за Франко Рубио и за Дмитриј Петелин, втор за Сергеј Прокопиев.

Екипажот е предвидено да престојува шест месеци на Меѓународната вселенска станица, каде веќе се наоѓаат седум космонаути, тројца Руси, исто толку Американци и Италијанка.

Поврзувањето со рускиот сегмент на МВС се очекува по тричасовен лет.

Извор: МИА

Би можело да ве интересира

ЕСА разгледува можност за пренос на енергија од вселената на Земјата

А1он

Почина космонаутот Валериј Полјаков: Постави најдолг рекорд – 437 дена престој во вселената

А1он

НАСА го сними најстарото ѕвездено јато во маглината Тарантула

А1он

Најмоќниот телескоп во светот ја сними најдлабоката слика од вселената досега

Катерина Павлова-Николовска

Кинеските астронаути успешно ја завршија шестмесечната мисија во вселената

А1он

Се очекува враќање на тројцата астронаути од кинеската вселенска станица

Ана Ололовска