Рускиот претседател Владимир Путин самиот ќе соопшти дали и кога сака да прими вакцина за коронавирус, изјави денеска портпаролот на Кремљ, Дмитриј Песков.
-Самиот ќе информира дали и кога сака да се вакцинира, рече Песков.
Руските медиуми потсетуваат дека во август во Русија беше регистрирана првата вакцина против коронавирусот, што беше тестирана врз доброволци во јуни и јули. Првата серија на вакцината беше пуштена во употреба минатата недела.
Вакцината го доби името „Спутник-В“. Рускиот претседател претходно најави дека втора, одделно развиена руска вакцина ќе биде регистрирана овој месец.