Рускиот претседател Владимир Путин денеска вети дека Русија ќе ја направи „самодоволна“ и „суверена сила“ во обраќањето до владејачката партија, што е негов прв предизборен говор за претседателските избори во март 2024 година.
„Русија ќе биде самодоволна и суверена сила или нема да биде“, им рече Путин на високите функционери на владејачката партија Единствена Русија на конгресот кој ја поддржува неговата кандидатура за уште еден мандат. „Русија не може, како некои земји, да се откаже од својот суверенитет за неколку колбаси и да стане нечиј сателит“, рече тој, очигледно мислејќи на Украина.
Interesting!
🇷🇺 The full video of Vladimir Putin's speech during the United Russia Party Congress event.
He spoke on several important issues.➡️ Translated in English language pic.twitter.com/HtObnDJ8V3
— Bhavika Kapoor (@BhavikaKapoor5) December 17, 2023
Путин ги обвини западните земји дека се обидуваат да го „урнат економското и социјалното влијание на Русија“ и ги повика „патриотските сили“ да ги здружат силите пред „историските задачи“ што Москва мора да ги заврши.
„Со целиот руски народ, да го браниме суверенитетот, слободата, безбедноста на Русија, сè што ни е драго, нашата историја, нашата култура, нашите вредности и нашите традиции“, рече тој.
Русија е под серија санкции од западните земји поради агресијата врз соседна Украина која започна во февруари 2022 година, а Путин минатата недела најави дека повторно ќе се кандидира за претседател на изборите во март 2024 година, односно за неговиот петти мандат.