Ако Украина не е неутрална, тешко е да се замисли дека се можни добрососедски односи. Неутралноста на Киев е гаранција дека Украина повторно нема да биде инструмент на трети земји против Русија, изјави рускиот претседател Владимир Путин.
Тој, одговарајќи на прашање на учесник на клубот за дискусија „Валдеј“ за границите во кои Русија ја признава Украина, потсети дека Русија ги признала границите на Украина создадени по распадот на Советскиот Сојуз, под услов таа да биде неутрална.
Работите се сменија кога Украина почна да зборува за својата намера да стане членка на НАТО.
– Не се договоривме така, изјави рускиот претседател.
Путин наведе и детали од разговорот со генералниот секретар на ОН, Антонио Гутереш, кој, како што рече рускиот претседател, ги поддржува оние кои велат дека Русија ги прекршила нормите и принципите на меѓународното право и го започнала конфликтот во Украина.