Лидерите на Русија, Германија и Франција, Владимир Путин, Ангела Меркел и Франсоа Оланд, денеска договорија да ја засилат размената на информации во борбата против тероризмот, соопшти прес службата на Кремљ.
Во телефонски разговор тие заклучиле дека е важно да се засили соработката за ова прашање, пренесе ТАСС.
„Сите страни ја истакнаа важноста од засилување на соработката во борбата против тероризмот, што се случува во сите три земји и се согласија да ја подобрат размената на информации“, се наведува во соопштението.
До разговор дојде еден ден по терористичкиот напад во метрото во Санкт Петербург во кој животот го загубија 14 лица, а над 50 се ранети.