Руски медиуми вчера објавија „важен говор“ на рускиот претседател Владимир Путин на средбата со министерот за одбрана и воените команданти. Путин сега го одржа тој говор и вети дека Русија ќе ги „исполни сите цели на специјалната воена операција“ во Украина, а руските војници и воени команданти ги нарече „херои“.
На годишниот состанок на шефовите на одбранбените оддели и воените команданти во Москва, Путин рече дека „НАТО ги користи сите свои способности против Русија“ и ги повика воените команданти да „го користат искуството стекнато за време на борбите во Сирија и за време на специјалната воена операција “ во Украина.
„Сармат наскоро ќе влезе во нуклеарниот арсенал“
Путин најави и „модерно оружје од рускиот нуклеарен арсенал, на кој наскоро ќе бидат додадени и интерконтинентални балистички ракети од типот Сармат“. Рускиот претседател тврди дека „ќе се погрижи рускиот нуклеарен арсенал да биде подготвен за борба“, додавајќи дека „нема финансиски ограничувања за тоа што владата е подготвена да и го даде на војската“.
Тој рече и дека Русија мора да посвети посебно внимание на важноста на беспилотните летала во војната во Украина.