Претседателот Путин и јас ќе се сретнеме на меѓусебно договорена локација во Будимпешта, Унгарија, за да се обидеме да ја завршиме оваа „неславна“ војна меѓу Русија и Украина, рече Трамп.
Телефонскиот разговор меѓу претседателот на САД, Доналд Трамп, и рускиот претседател, Владимир Путин, попладнево беше „добар и продуктивен“, соопшти Белата куќа.
Претседателот на САД, Доналд Трамп, рече дека е постигнат голем напредок.
„Тукушто завршив многу продуктивен телефонски разговор со рускиот претседател, Владимир Путин. Претседателот Путин ни честиташе мене и на САД за големото достигнување – донесување мир на Блискиот Исток, нешто за кое, рече тој, се сонувало со векови. Верувам дека успехот на Блискиот Исток ќе помогне и во нашите преговори за завршување на војната со Русија/Украина. Претседателот Путин ѝ се заблагодари на првата дама, Меланија, за нејзината посветеност на децата. Тој беше многу благодарен и рече дека ова ќе продолжи. Исто така, поминавме многу време разговарајќи за трговијата меѓу Русија и САД по завршувањето на војната во Украина. На крајот од разговорот, се согласивме да одржиме состанок на нашите високи советници следната недела. Првите состаноци од страна на Соединетите Американски Држави ќе ги води државниот секретар Марко Рубио, заедно со разни други лица кои ќе бидат именувани. Локацијата на состанокот сè уште не е утврдена, рече Трамп.
– Путин и јас ќе се сретнеме на меѓусебно договорена локација во Будимпешта, Унгарија, за да се обидеме да ја завршиме оваа „неславна“ војна меѓу Русија и Украина. Претседателот Зеленски и јас ќе се сретнеме утре во Овалната соба, каде што ќе разговараме за мојот разговор со претседателот Путин и за многу други теми. Верувам дека е постигнат значителен напредок во денешниот телефонски повик“, напиша Трамп на Truth Social.