Рускиот претседател Владимир Путин и неговиот турски колега Таип Ердоган ќе се сретнат подоцна денеска во Техеран за да разговараат за извозот на жито од Украина.
Путин треба да отпатува за Техеран за да се сретне со Ердоган и со иранскиот претседател Ебрахим Раиси, како дел од таканаречениот формат Астана на разговори поврзани со Сирија, соопшти Кремљ минатата недела.
„Прашањето за украинската пратка со жито ќе се разговара со Ердоган. Подготвени сме да продолжиме да работиме на тоа“, изјави во понеделникот Јуриј Ушаков, советник за надворешна политика на Путин.