Портпаролот на Кремљ, Дмитриј Песков, денеска изјави дека рускиот претседател Владимир Путин, кога зборувал за билатерална процедура за разговори за ненапади врз цивилни цели, мислел на преговорите конкретно со Украина.
„Можната дискусија, кога претседателот рече дека е можно да се разговара за прашањето да не се погодат цивилни цели, вклучително и билатерално, тој конкретно мислеше на преговори и разговори со украинската страна“, рече Песков, пренесе агенцијата Интерфакс.
Песков посочи дека Путин претходно неколку пати зборувал за неговата подготвеност за преговори со украинската страна.