Белгија воспостави гранична контрола првпат по 19 години од воведувањето на Шенген зоната во 1995 година.
Мерката е воведена пред утрешната дводневна средба во Брисел на шефовите на држави или влади на Г-7 (Велика Британија, Германија, Италија, Канада, САД, Франција, Јапонија) и предвидува контрола на копнените граници, на аеродромите и пристаништата.
Според претставник на белгиското Министерство за внатрешни работи, проверките нема да бидат систематски и ќе бидат спроведувани единствено врз основа на податоци на полицијата и службите за безбедност.
Се очекува во обезбедувањето на дводневнот самит во Брисел да учествуваат три илјади белгиски полицајци. Мерките се интензивирани по нападот на 24 мај во Еврејскиот музеј во градот, во кој загинаа четири лица.