Првиот орбитален телескоп-ловец на астероиди во светот ќе биде лансиран во орбитата на 25 февруари, соопшти Канадската вселенска агенција.
Претходно се очекуваше телескопот да биде лансиран во геостационарната орбита на 18 февруари, но датумот на стартот мораше да биде коригиран, пренесоа руските медиуми.
Сателитот за набљудување на објектите околу Земјата ќе биде лансиран во вселената од индиската ракета-носач, што ќе полета од вселенската лансирана станица Шрихарикота.
Телескопот е создаден од канадски конструктори по нарачка на Канадската вселенска агенција и канадското Министерство за одбрана.
Од Канадската вселенска агенција посочуваат дека НЕОССАТ е не само првиот канадски вселенски телескоп, туку и првиот телескоп во светот што е специјално конструиран за откривање и следење на астероиди од орбитата.
Создавањето на апаратот чинело 25 милиони долари.