Протести во Москва за укинување на електронското гласање

Од:

Стотици луѓе, незадоволни од минатонеделните парламентарни избори, се собраа денеска да протестираат во центарот на Москва, со порака да се врати стариот начин на гласање.

Протестот го организираа неколку пратеници, од кои повеќето се од Комунистичката партија, кои порачаа дека се измамени при електронскиот начин на гласање и побараа да се укине тој систем.

Полицијата вчера уапси некои опозициски активисти и предупреди дека ќе ги прекине сите неодобрени собири викендов, откако опозициската коалиција, незадоволна од исходот на парламентарните избори, ги повика поддржувачите да се соберат во Москва.

Комунистите, кои се сметаат за „системска“ опозиција која Кремљ ја „толерира“, ги повикаа гласачите денеска да разговараат со пратениците од партијата и побараа да се ревидираат резултатите од гласањето во Москва.

Меѓутоа, нема нови апсења на денешниот протест на комунистите, на кој присуствуваа стотици луѓе.

Централната изборна комисија на Русија вчера ги потврди резултатите од изборите за Државната дума, одржани од 17 до 19 септември, според кои најмногу места доби Единствена Русија на претседателот Владимир Путин, 324 од вкупно 450 мандати.

Кремљ соопшти дека има намера електронското гласање, што беше користено во Москва за овие избори, како и во неколку други региони, да го прошири низ целата земја на следните избори.

Би можело да ве интересира

Руски боксер уби мечка која го нападна , но заврши со тешки повреди во критична состојба

Во пожар во Русија загинаа 16 лица

Ана Ололовска

Путин: Ако Русија ги напушти Советот на Европа или ОБСЕ, би можеле да следат и други земји

А1он

Русија ја идентификуваше новата варијанта на коронавирусот, која е позаразна од Делта

А1он

Исклучен руски нуклеарен реактор, испуштал пареа

А1он

НАТО ќе бара комуникациски канали кон Русија и покрај шпионскиот спор

А1он