Проруските сили што се борат против украинската војска на истокот на Украина можат да ја оштетат гасната транзитна инфраструктура и на тој начин да го загрозат снабдувањето на Европа со гас, соопшти денеска украинскиот Совет за безбедност.
Половина од рускиот гас што се извезува во Европа минува низ украинска територија, вклучувајќи го и истокот на Украина кој е под контрола на проруските сили, пренесоа британските медиуми.
„Руските платеници почнаа акции што можат да доведат до оштетување на транзитниот систем за гас на привремено окупираната територија (истокот на Украина)“, се наведува во соопштението на украинскиот Совет за безбедност.
„Тоа може да биде закана за снабдувањето на Европа со гас“, се додава во соопштението.