Американскиот претседател Џозеф Бајден одобри прогласување вонредна состојба во Калифорнија по невремето во кое загинаа најмалку 12 лица во изминатите 10 дена.
Стотици илјади домови и деловни објекти останаа без струја.
Декларацијата за вонредна состојба ја овластува Федералната агенција за управување со вонредни состојби да ги координира напорите за помош при катастрофи и да ги мобилизира ресурсите за итни случаи, соопшти Белата куќа.
Силната тихоокеанска бура во последните денови, придружена со обилни врнежи од дожд и снег, предизвика поплави и лизгање на земјиштето низ Калифорнија, а во Санта Крус се подигна огромен бран кој уништи пристаниште, пренесе Ројтерс.