Британскиот принц Хари, на 15-ти септември ќе го прослави својот 30-ти роденден и официјално ќе ги наследи 12,5 милиони евра, кои што му ги остави неговата мајка, принцеза Дајана, пренесуваат агенциите.
Од тие пари помалдиот син на принцот Чарлс, ќе мора да исплати 40 проценти данок, односно нешто помалку доколку одлучи дел од таа сума да подари за хуманитарни цели.
Неговиот брат Вилијам, својот дел од наследството го доби пред две години.
Како што пренесе британскиот весник „Мирор“, извор близок до кралското семејство изјавил дека иако постојат големи разлики помеѓу обичните граѓани и синовите на Чарлс, кога е во прашање данокот тие потполно се рамноправни.
-Вилијам го плати данокот кога наполни 30 години и Хари така ќе постапи- наведе тој.
Инаку принцот моментално како капетан во армијата, на годишно ниво заработува околу 48.000 евра.
Е. Г.