Претставничкиот дом на САД истражува дали Трамп лажел за руско мешање во изборите

Од:

Претставничкиот дом на САД истражува дали претседателот Доналд Трамп лажел во писмено сведоштво дадено на специјалниот обвинител Роберт Малер како дел од затворената истрага за влијанието на Русија на претседателските избори во 2016 година.

Правната служба на Претставничкиот дом му се обрати на федералниот суд во Вашингтон дека пратениците испитуваат дали писмените одговори на Трамп на федералните иследници биле лажни, јави Си-Ен-Ен.

Портпаролката на Одборот за правда во Претставничкиот дом не ги коментираше тие обвинувања.

Малер достави извештај до американскиот јавен обвинител Вилијам Бар во март по речиси двегодишната истрага што расветли руска помош за тогашниот претседателски кандидат Доналд Трамп, хакирање и пропаганда како и бројни контакти на членовите на изборниот штаб на Трамп со Москва.

Поранешниот заменик началник на канцеларијата на кампањата на Трамп, Рик Гејтс, минатата недела сведочеше дека штабот на Трамп сакал да продолжи со објавувањето на е-пошта што е потенцијално штетна за демократскиот ривал Хилари Клинтон.

Таа изјава е во колизија со писмената изјава што Трамп му ја поднесе на Малер.

Клинтон, демократска кандидатка за Белата куќа, беше критикувана откако беше откриено дека таа ја користи својата приватна е-пошта во службени цели, а подоцна беа откриени дека некои пораки содржат доверливи информации.

Би можело да ве интересира

Помпео го отфрли извештајот за отповикувањето на Трамп: Сè е погрешно

Евакуација во руски судови по дојава за поставени бомби

Ана Ололовска

Тројца еминентни експерти по уставно право велат дека Трамп треба да биде отстранет од функција

Ана Ололовска

Трудо призна дека го озборувал Трамп

Ана Ололовска

Блумберг со нови реклами за негов избор, Ворен го критикува дека сака да ги купи изборите

Ана Ололовска

Пекинг: Кинеските и американските преговарачи се во близок контакт

Ана Ололовска