Претседателот на либискиот парламент го именуваше со декрет бизнисменот Ахмед Матик за нов премиер на Либија, ден откако заменикот претседател на Парламентот го прогласи неговиот избор на функцијата за неважечки.
Несогласувањата во Парламентот уште еднаш ја истакнаа политичката збрка во Либија, каде Владата и Парламентот се неспособни да ја наметнат својата власт.
Парламентот по хаотично гласање вчера го избра Матик за нов премиер, но заменикот претседател на либискиот парламент Езедин ал Ауани изјави дека Матик не добил потребно мнозинство гласови за именување на функцијата и го прогласи изборот за неважечки.