Премиерот на белгискиот регион Фландрија, Герт Буржоа го осуди потегот на шпанскиот Врховен суд, кој им изрече мерка притвор на осум членови на разрешената каталонска Влада.
Властите на Фландрија, како и на други региони како Шкотска или Велс, им изразуваат поддршка на каталонските сепаратисти и по заминувањето на разрешениот каталонски премиер Карлес Пуџдемон во Белгија се очекуваше дека тој може да побара засолниште токму во Фландрија.
– Апсењето на демократски избраните лидери е повеќе од драконска мерка. Збунет сум дека нешто такво е можно во денешна Европа, изјави Буржоа, кој ја повика Европската унија да интервенира во политичката криза.
Фландрија, каде мнозинство е холандската заедница во Белгија, има широка автономија, која и беше дадена со цел да се намалат сепаратистичките тенденции во регионот.