Над 12.000 пожарникари се борат со големиот шумски пожар што беснее во северниот дел на американската сојузна држава Калифорнија, во блзина на градот Рединг и кој досега однесе шест животи.
Силните ветрови и сушното лето создадоа услови за натамошно ширење на пожарот и покрај напорите на пожарникарите.
– Временските услови во областа на пожарот понатаму се поволни за негово ширење, соопшти американската Национална метеролошка служба.
Американските власти вчера информираа дека во пожарот загинала постара жена со нејзините две правнучиња. Двајца пожарникари и уште еден граѓанин исто така загинаа во пожарот, а по седум лица се трага.
Најтешко погоден е градот Рединг, а зафатени се вкупно 36.000 хектари и изгореа над 500 објекти.
Пожарот кој се шири во националниот парк Јосемити, пак, е веќе под контрола во една третина од површината на која што се прошири. Овој пожар се шири од 13 јули и досега изгоре над 20.000 хектари земјиште, и уби еден пожарникар.