Пожарот на фериботот „Норман Атлантик“ не почнал во гаражите, како што досега се претпоставуваше, јави руската агенција ТАСС, повикувајќи се на италијанската телевизија Скај Ти џи 24.
Пожарникарите потврдија дека голем број автомобили не биле опожарени што укажува дека огнот не почнал од таму. Според нив од огнот најпогоден бил просторот меѓу втората и третата палуба. Се претпоставува дека пожарот бил предизвикан од краток спој во електирлниот систем на фериботот.
На 28 декември утровт на фериботот на грчката компанија АНЕК „Норман Атлантик“ избувна пожар. На фериботот имало 499 луѓе, од кои 11 загинаа, а од 11 до 15 лица се водат како исчезнати.