Две деца загинаа, а најмалку 18 други се повредени во пожарот кој изби денеска околу 14 часот во југозападниот француски град Либурн.
Двете братчиња, едното од 4 години, а другото од 18 месеци биле дома во станот во запалената седумкатна зграда заедно со нивната 5-годишна сестричка, која исто така е во критична состојба.
„Од непознати причини мајка им избегала од огнените јазици сама“, изјави градоначалникот и додаде дека на сите 150 граѓани ќе им се обезбеди сместување најблиску што може до нивните домови.
Пет од повредените лица се во многу критична состојба.
Огнот започнал во подрумот и се проширил нагоре кон зградата, блокирајќи го влезот. Станарите на брзина почнале да бегаат, а една жена скокнала преку прозор.
234 пожарникари се бореле да го стават огнот под контола до доцна вечерта.
Полицијата се сомнева дека пожарот е подметнат.