„Кога Ана беше во Белград во периодот ноември-декември, ми рече дека сака да поминува повеќе време со децата. Го спомна и Брајан. Таа рече дека тој се променил. Дека е отсутен, замислен и дека не може да издржи повеќе“ најтрогателно раскажува Миланка Љубичиќ, мајка на Ана Волш, белграѓанка која исчезна на новогодишната ноќ во Америка и која најверојатно е убиена од нејзиниот сопруг Брајан.
На крајот на краиштата, Миланка сака да верува дека ќе добие добри вести. Живее за да го слушне гласот на својата ќерка само уште еднаш и не губи надеж, иако таа надеж секој ден е се поретка.
– Бев таму (во Америка) три пати. Поминав многу време со Брајан и со ќерка ми. Тој се грижеше за неа, за децата, за мене… Ана секогаш беше насмеана. Цело време се смешкаше. Никогаш не би помислил дека може да и наштети. Можам да разберам дека се скараа, но да и направат нешто толку страшно, да се ослободат од нејзиното тело – раскажува Миланка скршена од тага.
Брајан Волш (47) е обвинет за бруталното убиство на сопругата Ана Волш (39). Трагите на злосторството се обидел да ги прикрие така што отишол со автомобилот на мајка му Дијана Волш за да купи најлони, средства за чистење и други предмети што му биле потребни за да ги прикрие трагите од убиството, сметаат истражителите.
Ана Волш беше пријавена за исчезната од нејзините работодавци на 4 јануари, откако не се појави на работа во Вашингтон. Нејзиниот сопруг во првиот исказ во полиција истиот ден изјавил дека по новогодишната прослава повикала такси околу 6 часот наутро бидејќи морала итно да оди на работа. Сепак, се покажа дека немало повик и дека Ана имала резервирано лет само за 3 јануари.
На Волш му се заканува доживотен затвор за убиство на сопругата.