Потпишан договорот: Русија и Северна Кореја имаат заедничка одбрана

Од:

Рускиот претседател Владимир Путин го потпиша законот за ратификација на Договорот за сеопфатно стратешко партнерство меѓу Русија и Северна Кореја.

Путин и севернокорејскиот лидер Ким Џонг Ун го потпишаа овој документ на 19 јуни за време на посетата на Путин на Пјонгјанг. Тој треба да го замени основниот Договор за пријателство, добрососедство и соработка меѓу Русија и КНДР од 9 февруари 2000 година.

Документот ќе стапи во сила на денот на размената на инструментите за ратификација и ќе биде неограничен, пренесува РИА Новости.

Четвртиот член од договорот предвидува дека доколку една од земјите биде подложена на вооружен напад од друга држава или повеќе држави и се најде во воена состојба, тогаш другиот потписник веднаш ќе обезбеди воена и друга помош со сите расположливи средства.

Дополнително, според членот осум, страните создаваат механизми за заедничко дејствување со цел зајакнување на одбранбените способности во интерес на спречување војна, како и обезбедување регионален и меѓународен мир и безбедност.

Би можело да ве интересира

Мирошник: Украина не може да одржи прекин на огнот ниту 30 часа

Заврши прекинот на огнот, експлозии низ Украина

Пјаниќ им се извини на Русите: Тоа што ви го прават ФИФА и УЕФА е апсолутно погрешно

ВИДЕО: Британски ловци пресретнаа руски авиони на границата на НАТО

Нов удар од Кина врз САД, стопиран извозот на ретки метали

Предраг Петровиќ

Израел им забрани на илјадници палестински христијани да влезат во Ерусалим за време на Велигден