Поранешниот англиски фудбалски репрезентативец Тревор Синклер (49) предизвика бројни коментари со својата објава во врска со смртта на кралицата Елизабета Втора.
Кралицата почина вчера на 97-годишна возраст во нејзината резиденција Балморал во Шкотска, опкружена со нејзините деца Чарлс и Ана.
По веста за нејзината смрт стигнуваат реакции од целиот свет, но една објава крена дел од јавноста на нозе.
Тревор Синклер предизвика бес со твит во кој тврди дека расизмот напредувал за време на 70-годишното владеење на кралицата.
„Расизмот беше забранет во Англија во 1960-тите, но многу проблеми останаа. Зошто црнците и мешаните раси треба да тагуваат?
I honestly can’t believe Trevor Sinclair has Tweeted this, I am shocked and disgusted ?????? pic.twitter.com/651B3MGg29
— Les Burridge (@Burridge1Les) September 8, 2022
Овој коментар предизвика многу критики од поранешниот напаѓач на Манчестер Сити и Вест Хем Јунајтед кој го објави својот твит само неколку часа по смртта на кралицата.
Бидејќи Синклер моментално е коментатор на talkSport, тие се обидоа да стапат во контакт со него
„Се обидовме да стапиме во контакт со Тревор Синклер по ставовите што ги искажа на неговиот профил на Твитер. talkSport не ги поддржува тие ставови и ја истражува работата“, велат тие.