Бен Хоџис, поранешен командант на американските сили во Европа, даде храбро предвидување за тоа како ќе се развива војната, сугерирајќи дека Украина е на пат да го ослободи полуостровот Крим од руската окупација до август 2023 година.
Скај њуз пишува дека „тешко е да се прецени важноста на еден ваков настан, под услов тој навистина да се случи“. Русија во 2014 година незаконски го анектираше украинскиот полуостров Крим, кој сега го користи за воздушни и други напади против Украина.
Губењето на територијата што ја контролираше дури и пред целосната инвазија на Украина, која започна во февруари оваа година, би било огромно понижување за Владимир Путин.
Ukr General Staff will continue to pound Russian hq’s and lines of communication (logistics) for the next few weeks, thru February, in order to set the conditions for the decisive phase of the campaign, the liberation of Crimea. I expect them to liberate Crimea by August. https://t.co/S1ZV5HH3vV
— Ben Hodges (@general_ben) December 12, 2022
„Украинската војска ќе продолжи да ги удира руските штабови и линиите за снабдување и комуникација во наредните месеци за да го постави теренот за одлучувачката фаза на војната – ослободувањето на Крим. Очекувам да го ослободи Крим до август“, напиша Хоџис на Твитер.