Американската влада ќе ги олесни своите санкции врз Иран во наредниот месец и половина, овозможувајќи им на невладнините организации да финансираат и да испорачуваат хуманитарна помош со цел ревитализација на земјата по земјотресот, објави на својата веб страна американското Министерство за финансии.
Сепак за трансфер на поголеми количини пари, потребна е посебна дозвола од Министерството за финансии.
Невладини организации од САД до 5. октомври оваа година ќе можат да префрлуваат средства на Иран, во износ до 300.000 долари, а за испорака на храна и лекови за повредените не е потребна никаква дозвола.
Според податоците, во земјотресот што на 11. август го погоди северозападниот дел на Иран, загинаа околу 300 луѓе, повредени се повеќе од 3.000, а материјалната штета надмина 650 милиони долари.