Поради четирите големи пожари кои што беснеат на потегот од Лос Анџелес до Вентура во Калифорнија, наредена е евакуација на околу 200 илјади луѓе.
Пожарите зафаќаат се поголема површина, а досега уништија околу 150 куќи. Автопатот меѓу Лос Анџелес и Вентура е затворен поради пожарот кој што ја зафаќата трасата над него, а наредена е евакуција и на областа Санта Барбара.
Во текот на ноќта, намалувањето на брзината на ветерот им овозможи на пожарникарите успешно да го одбранат одморалиштето Охајо, каде што 7 илјади жители добија наредби да се евакуираат.
Националната метеоролошка служба соопшти дека се очекува опасен налет на ветер, но дека пожарите нема да достигнат историски пропорции, како што претходно се очекуваше.