Помпео ја предупреди Турција од разорни последици од еднострана воена акција во Сирија

Од:

Американскиот државен секретар Мајк Помпео синоќа го предупреди турскиот министер за надворешни работи Мевљут Чавушоглу на „потенцијално разорните последици од турска еднострана воена акција во Сирија“.

Стејт департментот соопшти дека на средбата на Помпео со Чавушоглу на маргините на одбележувањето на 70-годишнината од НАТО, американскиот државен секретар даде „поддршка на преговорите кои се во тек, а се однесуваат на североисточниот дел од Сирија“.

Откако американскиот претседател Доналд Трамп во декември минатата година најави повлекување на американските војници од Сирија, судбината на курдските сили кои се бореа против џихадистите од Исламска држава на страната на САД, е неизвесна.

Турција се заканува дека ќе покрене офанзива со цел да ги оддалечи од границата курдските борци на Единиците за заштита на народот (ЈПГ) кои ги смета за терористи.

Помпео во јануари изјави дека бара гаранции од Турција дека нема да изведе „масакр врз Курдите“.

Вашингтон и Анкара претходно не се договорија за воспоставување на „безбедносни зони“ на турско-сириската граница, поради што на тоа подрачје оставени се мал број војници.

Помпео исто така изрази загриженост поради тоа што Турција планира да купи од Русија противракетен систем С-400.

Чавушоглу наведе дека Анкара нема да се откаже од С-400, истакнувајќи оти „Турција не може да биде принудувана да избира помеѓу Западот и Русија.

Би можело да ве интересира

Полицијата во САД викендов спречила три можни масовни пукања

Началникот на Федералните затвори во САД отстранет од функција по самоубиството на Епстајн

САД тестираа ракета што беше забранета со Договорот ИНФ

Германија првпат прифати деца на терористи од Сирија

„Волстит Журнал“: Две мониторинг станици престанале да работат по експлозијата во Северодвинск

Сириските авиони изведоа напади врз турскиот конвој во Идлиб

Ана Ололовска