На варшавскиот аеродром „Фредерик Шопен“ денеска слета авион со членови на 50 христијански семејства од Сирија, меѓу кои и 12 деца.
Во Полска стигнаа вкупно 158 лица.
– Следните денови имигрантите од Сирија ќе ги предадат во Полска документите за добивање статус на бегалци, а потоа ќе бидат испратени во прифатилишта, кои за нив се подготвени, изјави Марцел Плошчински, претставник на Фондацијата „Естера“, која го организирала летот.
Според него бегалците ќе бидат сместени во Варшава, Познањ, Вроцлав и Белосток.