Полскиот министер за внатрешни работи Мариуш Камински објави дека Полска почнала со изградба на „современ“ ѕид долж копнената граница со Русија долга 199 километри, пренесува независниот руски медиум Медуза.
Ѕидот треба да биде завршен до крајот на септември, а Камински тврди дека ќе биде сличен на ѕидот со „многу дневни и ноќни камери и сообраќајни монитори“ што постои на делови од полско-белоруската граница.
Dziś rano ruszyła instalacja bariery elektronicznej na granicy z obwodem kaliningradzkim💪
Bariera za zostać ukończona do 30 września br. i obejmie całą lądową granicę z Federacją Rosyjską🇷🇺(o długości 199 km).
Wykonawca jest firma TELBUD S.A.#WarmińskoMazurskiOSG #granica🇵🇱🇷🇺 pic.twitter.com/mIgAJ85F09— Straż Graniczna (@Straz_Graniczna) April 18, 2023
„Ќе имаме сеопфатен мониторинг на се што се случува на границата со Русија“, посочи тој.
Полската гранична стража најави дека на дел од речиси 200 километри ќе бидат поставени 3.000 камери за надзор. Компанијата за безбедносни системи Телбуд минатиот декември доби договор вреден 81 милион евра со полските граничари.
Сепак, Полска не е првата земја која почна да поставува бариери на границата со Русија. Финска во февруари почна да гради 200 километри огради како дел од работите, чија вредност се проценува на 380 милиони евра. Финците тогаш најавија дека ќе постават бодликава жица на метална ограда висока три метри, а на чувствителните места ќе има камери за ноќно снимање, светилки и звучници.