Европскиот суд за човекови права прифати да го разгледа вториот случај против Полска, за обвиненијата дека дозволила ЦИА да има тајни затвори на нејзината територија, со што се зголемува притисокот на Варшава да се открие колку е вмешана во американската „војна против тероризмот“, пренесе „Ројтерс“.
Судот треба да ги разгледа обвиненијата на Абу Забајдах и Абдел Рагим ел Нашириј, државјани на Саудиска Арабија кои тврдат дека пред десет години биле незаконски држани и злоставувани во тајните затвори на ЦИА, во Полска.
И Романија може да се најде пред Европскиот суд за човекови права поради соработка со ЦИА и покрај тоа што официјалните лица исто како и во Полска негираат дека во нивните држави има активност на странските служби.
Елена Георгиевска