Полското Министерство за надворешни работи им советуваше на своите граѓани во Русија веднаш да ја напуштат земјата.
„Препорачуваме полските граѓани во Русија да ја напуштат нејзината територија со сите достапни комерцијални и приватни превозни средства, освен ако нивните животни, семејни или професионални околности не бараат од нив да останат во Русија“, се вели во соопштението на полското Министерство за надворешни работи, според „Москва Тајмс“.
Полското Министерство за надворешни работи нагласи дека поради намалувањето на полскиот дипломатски и конзуларен персонал во Русија, можностите за обезбедување дипломатска и конзуларна помош на полските граѓани стануваат сè поограничени.