Кандидатката за градоначалник на Виксбург, во американската сојузна држава Мисисипи, Линда Фондрен призна дека била проститутка и дека нејзиниот сегашен сопруг бил еден од нејзините клиенти.
-Вистина е дека пред 30 години работев во легална јавна куќа. Знаев дека тоа ќе се дознае, бидејќи се зборуваше, но не верував дека ќе се открие и дека ќе седам со вас и ќе давам интервју – изјави Фондрен за локалната телевизија.
Таа со недели се обидуваше да ја избегне таа тема, дури ги отфрли и тврдењата на медиумите за нејзината поврзаност со јавна куќа во Невада.
-Тоа се гласини, а политиката е професија во која луѓето се подготвени да направат се за да ги прошират гласините наместо да дискутираат за проблемите, за она што најмногу го загрижува населението –изјави таа во март.
Денис Хоф сопственик на легален бордел во Карсон Сити во Невада, смета дека поранешната кариера на проститутка не е причина да биде исклучена од листата на кандидати.
-Жените кои легално се занимаваат со проституција, остваруваат кариери во областа на медицината, правото и образованието, а образованието го финансираат со парите заработени во јавните куќи. Искрено верувам дека Линда Фондрен, работејќи како проститутка се стекна со работна остроумност и дека би била многу успешен градоначалник – изјави тој.
Фондрен истакна дека се занимавала со проституција, бидејќи тоа и било единствен извор на за егзистенција, по смртта на мајка и.
-Го мразев тоа – изјави Фондрен за „Асошиетејд прес“ и додаде дека нема да ја поддржи легалната проституција доколку биде избрана.
Елена Георгиевска