Полициското куче Елио спречи обид за шверц на готовина со тоа што откри 1.075.600 евра скриени во два куфери.
Сè се случи за време на рутинска проверка на автобус на автобуска станица во близина на Фиренца, јавува Би-Би-Си.
Италијанските власти соопштија дека сопственичката на торбите е кинески државјанин со престој во Италија.
Утврдено е дека осомничената се качила во автобусот во Катанија, Сицилија.
Таа била обвинета за перење пари и примање украдена стока, а поради понатамошна истрага торбите во кои биле парите и се одземени.
Банкнотите биле во различни апоени и тоа од 50, 20 и 10 евра.
Полицијата се уште нема информации за потеклото на парите.