Три минофрлачки истрели биле упатени денеска од Појасот Газа кон јужниот дел на Израел и покрај краткото „хуманитарно примирје“, кое е договорено од ОН и ќе трае до 15 часот по локално време.
– Додека израелската армија го почитуваше прекинот на огнот, три минофрлачки истрели беа упатени од Газа кон округот Ешкол, соопшти израелската војска.
Првично беше соопштено дека биле истрелани две ракети, кои не причиниле жртви или материјална штета.
Се уште нема никаква потврда дали израелската армија ќе одговори на инцидентот.