Американскиот јуришен амфибиски брод Ганстон Хол денеска исплови од пристаништето Норфолк и го означи почетокот на најголемите воени маневри на НАТО од Студената војна.
Ова го соопштија претставници на Северноатлантската алијанса.
Околу 90.000 војници од Соединетите Американски Држави и други сојузнички земји-членки на НАТО ќе учествуваат на воената вежба наречена Reliable Defender 2024, која ќе трае до мај оваа година, пренесува Ројтерс.
Во маневрите на НАТО ќе учествуваат околу 50 бродови, од носачи на авиони до уништувачи, повеќе од 80 борбени авиони, хеликоптери и беспилотни летала и најмалку 1.100 борбени возила, вклучувајќи 133 тенкови и 533 пешадиски борбени возила.
Според НАТО, ќе се практикува имплементацијата на регионалниот план на Северноатлантската алијанса, на кој се работи со децении, со детали дизајнирани да одговорат на евентуален руски напад.