Познатиот новинар Пирс Морган изјави дека утре нема да биде домаќин на познатата емисија „Добро утро, Британија“, бидејќи направил тест за коронавирус.
Презентерот на Ај-Ти-Ви изјавил дека има „благи симптоми на Ковид-19“ и дека нема да работи на шоуто сè додека не ги добие резултатите.
„Ќе ги послушам медицинските совети и ќе бидам претпазлив, поради благите симптоми на Ковид-19 што го имав во изминативе 48 часа и нема да бидам домаќин на шоуто додека не ги добијам резултатите, кои би требало да бидат готови утре“, напиша тој на „Твитер“.
Морган стана отворен критичар на Владата на Велика Британија поради коронавирусот, обвинувајќи ги министрите дека сосема неподготвени ја дочекале епидемијата.