Двајца пилоти на патнички авион на Етиопијан ерлајнс заспале на сред лет, но на крајот успеале да слетаат и никој од патниците не бил повреден.
Летот патувал од Картум до Адис Абеба на 15 август, но пилотите заспале на височина од 11.277 метри. Кога требале да почнат да се спуштаат до аеродромот, контролата на летот веќе не можела да контактира со нив.
Deeply concerning incident at Africa’s largest airline — Ethiopian Airlines Boeing 737 #ET343 was still at cruising altitude of 37,000ft by the time it reached destination Addis Ababa
Why hadn’t it started to descend for landing? Both pilots were asleep. https://t.co/cPPMsVHIJD pic.twitter.com/RpnxsdtRBf
— Alex Macheras (@AlexInAir) August 18, 2022
Екипажот се разбудил откако се исклучил автопилотот на авионот и се огласил алармот. Пилотите успеале безбедно да слетаат, а авионот останал на пистата околу два и пол часа пред да полета за следниот лет, пишува Дејли Мејл.
„Длабоко вознемирувачки инцидент од најголемата африканска авиокомпанија. Боинг 737 #ET343 на Етиопијан ерлајнс сè уште беше на надморска височина од 11.277 кога стигна во Адис Абеба. И зошто не почна да се спушта? Затоа што и двајцата пилоти заспаа“, напиша на Твитер аналитичарот за авијација Алекс Мачерас.