Пијан полицаец во Женева пукал седум пати со службеното оружје во полициска станица и ранил колега во стапало, соопштија денеска локалните власти во Швајцарија.
Полицаецот, кој припаѓа на бригадата за борба против наркотици, отвори оган додека бил внатре во просториите на неговата бригада во полициска станица во центарот на Женева, соопштија властите без да прецизираат детали бидејќи истрагата е во тек.
Мажот „под дејство на алкохол“ пукал седум пати од службеното оружје во присуство на петмина колеги.
„Едниот беше погоден во стапалото и мораше да му биде извршена операција“, соопшти локалното обвинителство, додавајќи дека полицаецот бил сослушан и пуштен на условна слобода.