Иранскиот претседател Масуд Пезешкијан денес изјави дека Техеран нема да се откаже од своето право да збогатува ураниум, но дека е подготвен да даде гаранции дека земјата не се стреми да произведува или поседува нуклеарно оружје.
– Она што го бараат Соединетите Американски Држави е Иран да не гради атомска бомба. Ова не е ништо ново, а ние можеме и писмено да изјавиме дека немаме намера да градиме бомба, рече Пезешкијан.
Пезешкијан нагласи дека Иран нема да се откаже од своето право да збогатува ураниум и дека „другата страна нема да има друг избор освен да го прифати ова право“.