Конечен договор за прекин на конфликтот меѓу САД и Иран сè уште не е постигнат, објави иранскиот претседател Масуд Пезешкијан, оценувајќи дека договорот со САД за меморандум за разбирање е важен чекор кон запирање на војната и започнување нови преговори, објавија иранските медиуми.
Пезешкијан во објава на социјалната мрежа X изјави дека она што е досега договорено претставува „важен чекор кон запирање на војната и започнување преговори“.
Пезешкијан, како што објави Скај њуз, додаде дека Иран е „подготвен за сите опции“, но и дека од претходните искуства научил дека „не прифаќа понижување“.