Портпаролот на рускиот претседател, Дмитриј Песков, негираше дека Русија е вмешана во технички дефект што се случил за време на слетувањето на авионот во кој се наоѓала претседателката на Европската комисија (ЕК), Урсула фон дер Лајен.
„Вашите информации се неточни“, изјави Песков за новинарите, објави Газета.ру. „Фајненшл тајмс“ (FT) претходно денес објави дека наводен руски напад ги оневозможил услугите за GPS навигација на бугарскиот аеродром со блокирање.
Портпаролот на Европската Унија потврди дека Глобалниот систем за позиционирање (GPS) на авионот на претседателката на Европската Комисија бил нарушен за време на нејзиното еднонеделно патување во Бугарија и дека авионот безбедно слетал.
Бугарската влада соопшти дека GPS сигналот бил изгубен кога авионот на фон дер Лајен се приближил до Пловдив во јужна Бугарија, принудувајќи ги контролорите на летање да се префрлат на копнени навигациски системи за да обезбедат безбедно слетување. Инцидентот се случил додека фон дер Лајен била на четиридневна турнеја низ земјите-членки на ЕУ што граничат со Русија.