Американскиот пристап кон светските работи се стреми кон примитивизам, тие се обидуваат да ги научат другите, американскиот претседател Џозеф Бајден е душата на американскиот естаблишмент, изјави прес-секретарот на рускиот претседател Дмитриј Песков во интервју за ТВ Русија.
„Бајден е душата на американскиот политички естаблишмент, а американскиот пристап кон светските работи традиционално се стреми кон примитивизам. Тие секогаш се обидуваат да им кажат на сите како да се однесуваат и како да живеат. Тоа е главната порака“, рече Песков.
Од друга страна, рускиот претседател Владимир Путин никогаш не си дозволува да биде груб со шефовите на другите држави, за него е несфатливо како е можно американскиот претседател Џозеф Бајден да го нарече „убиец“.
„Претседателот Путин секогаш е исклучително внимателен во изјавите за своите колеги. Никогаш не е нељубезен, а камоли безобразен кон шефовите на другите држави. За него е неприфатливо кога шефовите на други држави, особено лидерот на САД, користат такви зборови во својот речник кога зборува за својот колега“, објасни портпаролот на Кремљ.