Москва не му пренела никакви пораки на украинскиот претседател Володимир Зеленски преку српскиот претседател Александар Вучиќ, кој пристигна во Киев, изјави денес портпаролот на Кремљ, Дмитриј Песков.
– Не, не пренесовме никакви пораки, изјави тој за новинарите, одговарајќи на новинарско прашање дали руската страна му пренела какви било пораки на Зеленски преку Вучиќ, пренесува „Спутник“.
Зборувајќи за евентуалното посредништво на Белград во украинскиот конфликт, портпаролот на рускиот претседател рече дека Србија досега не била вклучена во посредничките напори.