Територијата на Литванија ќе се најде на нишанот на руското нуклеарно оружје доколку Вилњус одлучи да распореди такво оружје, изјави денеска портпаролот на рускиот претседател, Дмитриј Песков.
Како што истакна Песков, нуклеарното оружје распоредено во некоја земја е секогаш вперено кон некого, пренесува агенцијата РИА Новости.
– Очигледно е дека таквото оружје не би било вперено кон Западот, туку кон Истокот – односно кон Русија. А доколку на таа територија има нуклеарно оружје вперено кон нас, тогаш и територијата на таа земја ќе се најде на нишанот на нашето нуклеарно оружје, изјави Песков за „Канал 1“.