Франција покажува целосно неразбирање на суштината на Русија, бидејќи мисли дека може да постигне нешто од неа преку притисок, изјави денес портпаролот на рускиот претседател Дмитриј Песков.
„Може само да се изрази жалење што францускиот претседател Емануел Макрон не ја разбира вистинската состојба на работите. Франција сè уште мисли дека може да постигне нешто од Русија преку притисок. Ова покажува категорично неразбирање на суштината на нашата земја“, рече Песков во интервју за новинарот на „Русија 1“, Павел Зарубин.
Песков, исто така, оцени дека Франција не стои на патот на мирот, туку сака да го зголеми притисокот врз Москва.