Портпаролот на Кремљ, Дмитриј Песков, денес изјави дека целиот свет го чека говорот на рускиот претседател Владимир Путин на парадата на 9 мај во Москва и дека тоа ќе биде многу важно обраќање.
„Очекуваме многу важен говор од претседателот на парадата, како и секогаш. Целиот свет го чека, и со право“, додаде Песков во изјава за руските медиуми.
Путин ќе одржи неколку билатерални средби со гости по повод Денот на победата, 9 мај, изјави портпаролот на Кремљ, објави РИА Новости.